پڕۆژەی ڕووناکی لە ئیدارە سەربەخۆکان دەستپێدەکات

ئاڤا نیوز 

 

ئەمساڵ کارەبای تەواوی کوردستان دەخرێتە نێو پرۆژەی ڕووناکی دەبێت بە 24 کاتژمێری و لە ساڵی داهاتووە هیچ شتێک نامێنێت بە ناوی کارەبای مۆلیدەی گەڕەکەکان، هەروەها لە چەند مانگی داهاتوودا لە ئیدارە سەربەخۆکانی زاخۆ، سۆران، ڕاپەڕین و گەرمیانیش دەستپێبکات. 

 

ئەوەی پێویستە بیزانیت: تاوەکو یەک دوو مانگی تر سەنتەری شاری هەولێر تەواو دەبێت، لە نێو 120 مەتری، دواتر دەست دەکرێت بە دەوروبەری، هەروەها تاوەکو کۆتایی ئەمساڵیش سەنتەری شارەکانی سلێمانی و دهۆک بە تەواوی کارەبای 24 کاتژمێرییان پێدەگات.

 هەڵەبجەش، لە پاییزی ئەمساڵەوە دەستپێدەکات و تاوەکو کۆتایی ئەمساڵ بە تەواوی کارەبای دەبێتە 24 کاتژمێری.

لە لایەکی دیکەوە: تاوەکو ئێستا لە کۆمەڵگە نیشتەجێبووەکان و سیتییەکان  پڕۆژەی ڕووناکی دەستپێنەکراوە، چونکە ئەوان خۆیان کارەبای 24 کاتژمێرییان.

زانیاریی تایبەت: ئاڤا زانیویەتی کە بڕیارە لە چەند مانگی داهاتوودا لە ئیدارە سەربەخۆکانی زاخۆ، سۆران، ڕاپەڕین و گەرمیانیش دەستپێبکات، سەرەتا لە سەنتەری شارەکان دواتر دەوروبەری، ناحییە و گوندەکان.

بەپێی ئەو ئەو پلانەی دانراوە تاوەکو ساڵێک و حەوت مانبگی دیکە، واتا کۆتایی 2026 کارەبای سەرتاسەری کوردستان ئەبێتە 24 کاتژمێری.