لە ئیسرائیل بەهۆی ئاگرکەی قودس باری نائاسایی ڕاگەیێنرا

ئاڤا نیوز

 

بەهۆی تەشەنەسەندنی زیاتری ئاگر لە چیای قودس/ ئورشەلیم لە ئیسرائیل، باری نائاسایی لەو وڵاتە ڕاگەیێنرا و داوای هاوکاریی نێودەوڵەتی  بەپەلە دەکەن.

 

وێنە گەورەکە: ڕۆژی چوارشەممە 30-4-2025، ئاگرێکی گەورە لە چیای قودس/ئورشەلیم لە ئیسرائیل کەوتووەتەوە بەهۆی خێرا تەشەنەسەندنی ئاگرەکە نەتوانراوە تا ئێستا کۆنترۆڵ بکرێت و زەنگی ئاگادار کردنەوە لە سەرانسەری وڵات لێدەدرێت.

لێدوانی فەرمی: بنیامین نەتانیاهۆ، سەرۆکوەیزانی ئیسرائیل هۆشداری بە خەڵکی ناوچەکە دا لە ئەگەری ئاگرکەوتنەوە لە ناو شارەکان و  ڕایگەیاند: سێ فڕۆکەی ئاگرکوژێنەوە بۆ کۆنتڕۆڵکردنی ئاگرەکە لە ئیتاڵیا و کرواتیا دەگەنە ئیسرائیل، ئەمە جگە لە گەیشتنی فڕۆکە لە ئیسپانیا و فەڕەنسا و ڕۆمانیا.

 

زانیاریی زیاتر: بەرپرسانی بەشی ئاگرکوژێنەوەی ئیسرائیل داواکارییەکی بەپەلەیان پێشکەش بە چەند وڵاتێک کردووە بۆ کوژاندنەوەی ئاگرەکە لە وانەش قوبرس، یۆنان، کرواتیا، بولگاریا و ئیتاڵیا.