نەتانیاهۆ: ئامانجی سەرەکی شەڕی غەززە سەرکەوتنە نەک گەڕانەوەی بارمتەکان

ئاڤا نیوز

 

بنیامین نەتانیاهۆ، سەرۆکوەزیرانی ئیسرائیل ڕایگەیاند، ئامانجی سەرەکی ئەو گەڕانەوەی بەرمتەکان نییە، بەڵکو سەرکەوتنی شەڕەکە[ شەڕی غەززە] گرنگترە.

 

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل لە لێدوانێکدا ڕایگەیاند، "ئێمە ئامانجی زۆرمان هەیە لەو شەڕەدا، دەمانەوێت هەموو بارمتەکانمان بهێنینەوە ماڵەوە، تا ئێستا 147 کەسمان بە زیندوویی هێناوەتەوە لە کۆی گشتی 196 بارمتە."

 

لەبارەی ژمارەی ئەو بارمتانەی ئێستا لە ژیاندان، سەرۆکوەزیرانی ئیسرائیل گوتی، "تا ئێستا 24 کەسی دیکە لە ژیاندان، لە کۆی گشتی 59 کەس.

 

سەرۆکوەزیرانی ئیسرائیل لە بەشێکی دیکەی قسەکانیدا گوتی، "ئێمە دەمانەوێت زیندوو و مردووەکان[ بارمتەکان] بگەڕێنینەوە، ئامانجێکی زۆر گرنگە، بەڵام ئامانجێکی باڵاتر هەیە و ئەویش سەرکەوتنە بەسەر دوژمنەکانماندا  و ئەوەش بەدەست دەهێنین."