ئاگری دارستانەکانی نێوان قودس و تەلئەڤیڤ بەردەوامە

ئاڤا نیوز

لە ئیسرائیل ئەو ئاگرەی دارستانەکانی نێوان قودس و تەلئەڤیڤی گرتووەتەوە لە 11 شوێندا بەردەوامە و تاوەکو ئێستا 20 کەس  بەهۆی هەڵمژینی دووکەڵەوە گەیێنراونەتە نەخۆشخانە.

بڵاوکراوەی فەرمی: ڕۆژنامەی یەدیۆت ئەحرەنۆت، لە هەواڵێکیدا باسی لەوە کرد کە 119 تیمی ئاگرکوژێنەوە و 12 فڕۆکەی ئاگرکوژێنەوە لە ناوچە شاخاوییەکانی قودس بەردەوامن لە هەوڵی کوژاندنەوەی ئاگرەکەدان.

لەلایەکی دیکەوە: بەپێی هەواڵی میدیاکانی ئیسرائیل، هێشتا ئاگرەکە لە 11 شوێندا بەردەوامە و 20 کەسیش بەهۆی هەڵمژینی دووکەڵەوە گەیێنراونەتە نەخۆشخانە.

ئەمەش بزانە: بەهۆی ئەو ئاگرەوە کە ناتوانرێت کۆنترۆڵ بکرێت، ئیسرائیل داوای هاوکاری نێودەوڵەتیی کردووە، چاوەڕوان دەکرێت ئەمڕۆ لە کۆماری تورکی قوبرسی باکوور و ئیتاڵیاوە هەشت فڕۆکەی ئاگرکوژێنەوە بگەنە ئیسرائیل.

لێدوانی فەرمی: سەرۆکی ئەنجوومەنی ناوچەی ماتیح یەهودا، ئافیشای کۆهن لە لێدوانێکیدا بۆ کەناڵی فەرمی ئیسرائیل کان ، باسی لەوە کرد کە ئەگەر هەیە ئاگرەکە بۆ ناوچەکانی نیشتەجێبوون تەشەنە بکات، هەر بەو هۆیەوە، نزیکەی 10 هەزار کەس گواستراونەتەوە بۆ شوێنی ئارام.