کۆبوونەوەی نێوان ئێران و ئەمریکا دواخرا

ئاڤا نیوز

گەڕی داهاتووی کۆبوونەوەکانی نێوان ئێران و ئەمریکا کە بڕیار بوو ڕۆژی شەممە بەڕێوە بچێت، دواخرا.

وێنە گەورەکە: وەزارەتی دەرەوەی عومان، کە نێوەندگیریی کۆبوونەوەکان دەکات ڕایگەیاند لە بەر هۆکاری "لۆجیستی" کۆبوونەوەکە دوا خراوە.

لێدوانی فەرمی: بەدر بوسوعیدی، وەزیری دەرەوەی عومان، ڕایگەیاند هەر کاتێک هەر دوولا لەسەر ڕێککەوتنێکی نوێ ڕێککەوتن، کاتی کۆبوونەوەی داهاتوو ڕادەگەیێنرێت.

ئەوەی پێویستە بیزانیت: بڕیار بوو ڕۆژی شەممە، گەڕی چوارەمی کۆبوونەوەکانی نێوان ئێران و ئەمریکا سەبارەت بە پرسی ئەتۆمیی ئێران لە ڕۆمای پایتەختی ئیتاڵیا بەڕێوەبچێت.

ئەمەش بزانە: ئێران و ئەمریکا پێشتر جارێک لە ڕۆما و دوو جاریش لە مەسقەتی پایتەختی عومان کۆبوونەتەوە.