چوارچێوەی هەماهەنگی: بڕیاری هاتنی شەرع بۆ بەغدا لای سوودانییە

ئاڤا نیوز

دوای مشتومڕێکی زۆر سەبارەت بە بەشداریکردنی ئەحمەد شەرع، سەرۆککۆماری سووریا لە لووتکەی وڵاتانی عەرەبی، چوارچێوەی هەماهەنگی بۆ بڕیاری کۆتایی محەممەد شیاع سوودانی سەرپشک دەکات.

 

چیرۆکی سەرەکی: بڕیارە 17-5-2025 عێراق میوانداری کۆبوونەوەی لووتکەی عەرەبی لەبەغدا بکات، وێڕای ناکۆکییە سیاسییەکان لە بەشداریکردنی ئەحمەد شەرع، ڕۆژی 27-4-2025 حکومەتی عێراق بە فەرمی وەک سەرۆککۆماری سووریا بانگهێشتی لووتکەکەی کرد.

 

لێدوانی فەرمی: عودەی خەدران، پەرلەمانتاری عێراق لە چوارچێوەی هەماهەنگی ڕایگەیاند: پرسی بەشداریکردنی ئەحمەد شەرع لە کۆبوونەوەی داهاتووی لووتکەی عەرەبی لەبەغدا، بابەتێکی تەواو پەیوەستە بەحکومەتەوە، لەو دیدگەیەوە چوارچێوەی هەماهەنگی بەتەواوی دەسەڵاتی بە سەرۆکوەزیران سوودانی داوە.

 

باکگراوند: ڕۆژی 27-4-2025، وەزیری ڕۆشنبیریی عێراق لەسەر ڕاسپاردەی د. عەبدوللـەتیف ڕەشید، سەرۆککۆماری عێراق بانگهێشتنامەی ئامادەبوونی لە لوتکەی وڵاتانی عەرەبی ڕادەستی شەرع کرد. 

 

ئەمەش بزانە: بانگهێشتنامەی بەشداریکردنی ئەحمەد شەرع لە لووتکەی وڵاتانی عەرەبی لە بەغدا، کاردانەوەی لایەنە سیاسییەکانی لەسەر ئاستی کەسی بەدوای خۆیدا هێنا، چونکە شەرع پێشتر لەلایەن دەسەڵاتی دادوەریی عێراقەوە فەرمانی دەستگیرکردنی هەبووە.