ئیسرائیل شوێنێکی نزیک لە کۆشکی سەرۆکایەتیی سووریا بۆردوومان دەکات

ئاڤا نیوز

سوپای ئیسرائیل هێرشێکی بۆ سەر شوێنێکی نزیک لە کۆشکی سەرۆکایەتیی سووریا لە دیمەشقی پایتەختی ئەو وڵاتە ئەنجام دا.

ڕاگەیێنراوی فەرمی: سوپای ئیسرائیل لە بەیاننامەیەکدا ڕایگەیاندووە فڕۆکە جەنگییەکان ناوچەیەکی نزیک لە کۆشکی سەرۆکایەتیی سووریایان کردووتە ئامانج.

- لە بەیاننامەکەدا هاتووە، ئیسرائیل پێشتر هۆشداری دابوو، ئەگەر حکومەتی نوێی سووریا نەتوانێت دروزییەکانی ئەو وڵاتە بپارێزێت، ئەوا دەستوەردان دەکات.

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل، ڕایگەیاند، ئەمە پەیامێکی ڕوونە بۆ ڕژێمی سووریا: ئێمە ڕێگە نادەین هێزەکانی سووریا بچنە باشووری دیمەشق یان هەر هەڕەشەیەک بۆ سەر کۆمەڵی درووز درووست بکەن.

ئەوەی پێویستە بیزانیت: لە تووندوتیژییەکانی چەند ڕۆژی ڕابردووی نێوان هێزەکانی حکومەتی کاتیی سووریا و دروزییەکان زیاتر لە 100 کەس کوژران. 

ئەمەش بزانە: ئیسرائیل خۆی بە بەرگریکاری دروزەکان دەزانێت و لە دژی حکومەتی سووریا پشتیوانیان دەکات.