بکەرانی ئۆپەراسیۆنی پەیجەرەکانی لوبنان دەردەکەون

ئاڤا نیوز

سێ لە بریکارە سەرەکییەکانی مۆساد کە ئۆپەراسیۆنی پەیجەرەکانیان دژ بە چەکدارانی حزبوڵڵا ئەنجامدا لە ڕۆژی سەربەخۆی ئیسرائیل دەرکەوتن.

وێنە گەورەکە: لە 17ـی ئەیلولی 2024، دەزگای هەواڵگری ئیسرائیل 'مۆساد' ئۆپەراسیۆنێکی لە ڕێگەی ئامێری پەیجەر دژی چەکدارانی حزبوڵڵا دەستپێکرد و بەهۆیەوە 37 کەس کوژران و نزیکەی سێ هەزار کەسی دیکەش برینداربوون.

لێدوانی بریکارەکان:

بریکاری یەکەم: من سەرکردەیەکی ئۆپەراسیۆنی مۆسادم، دایکێکی سەربەرزم وخاوەنی سێ منداڵم، لەنێویاندا یەکێکیان سەربازە، لە غەززە و لوبنان لە ئەرکدایە، بەهۆی ئەو دەستپێشخەری و وردبینی و ئیرادەیەی کە هەمانە ئۆپەراسیۆنی بوێرانە ئەنجام دەدرێن کە هێزی ئەوەیان هەیە ڕۆحی دوژمنەکانمان بشکێنن و داهاتوویەکی سەقامگیر و بەهێز بۆ دەوڵەتی ئیسرائیل دروست بکەن.

بریکاری دووەم:  من لە بواری تەکنەلۆژیا لە مۆساد کاردەکەم، کوڕی کۆچبەرانی ئەوروپام کە ڕەگیان لە خاکی ئیسرائیلدا داناوە، هەروەها بە شانازییەوە ئەم مەشخەڵە دادەگیرسێنم وەک ڕێزێک بۆ ئەو کارمەندانەی لە بوارەکەی مندا کاردەکەن و ڕۆژانە خەیاڵ دەگۆڕن بۆ واقیع.  

بریکاری سێیەم: من ئەفسەری هەواڵگریم لە مۆساد، من گەورە بووم، و کچەکانم بە بەهاکانی خۆشەویستی نیشتمان و خەڵک پەروەردە دەکەم، بە شانازییەوە ئەم مەشخەڵە دادەگیرسێنم بۆ ڕێزلێنان لە هاوڕێکانم، ئەو ئەفسەرە هەواڵگرییانەی کە خەریکی لێکۆڵینەوە و چاودێریکردن و کۆکردنەوەی زانیاری هەواڵگرین بۆ ئۆپەراسیۆنەکان. بە سوپاسەوە بۆ حیکمەت و خۆبەخشییان، نهێنییەکان ئاشکرا دەکەین.

زانیاریی زیاتر: هەر سێ لە بریکارەکانی مۆساد بە داگیرساندنی مەشخەڵی ڕۆژی سەربەخۆیی ڕێزیان لێگیرا و تەنانەت لەکاتی قسەکردن و بە درێژایی مەراسیمەکان بە دەمامک و چاویلکە دەموچاوییان شاردبوویەوە.