پەرلەمانی عێراق کارنامەی ڕۆژی دووشەممەی داهاتوو  بڵاودەکاتەوە

 

ئاڤا نیوز

پەرلەمانی عێراق کارنامەی ڕۆژی دووشەممەی داهاتووی بڵاوکردەوە و تێیدا دەنگ لەسەر دوو پرۆژە یاسا و خوێندنەوەش بۆ پێنج پرۆژەیاسای دیکە دەکات.

ڕاگەیێنراوی فەرمی: بەگوێرەی ڕاگەیێنراوی نووسینگەی ڕاگەیاندنی پەرلەمانی عێراق، ڕۆژی دووشەممە 2025-05-05، دانیشتنی پەرلەمان لە کاتژمێری یەکی دوای نیوەڕۆ بەڕێوەدەچێت.

زانیاریی زیاتر: کارنامەی دانیشتنەکە حەوت بڕگە لەخۆدەگرێت، برگەکانیش پێکهاتوون لە:-

٠ دەنگدان لەسەر پێشنیازە یاسای بنەماکانی هاوتاکردنی بڕوانامە و پلە زانستییەکانی عەرەبی و بیانی ژمارە 20ـی ساڵی 2020.

٠ دەنگدان لەسەر پڕۆژەیاسای پەسەندکردنی ڕێککەوتننامەی پاراستنی وەبەرهێنان لە نێوان عێراق و سعوودیەدا.

٠ خوێندنەوەی یەکەم بۆ هەموارکردنەوەی یاسای پاراستنی مامۆستایان، ڕاهێنەران، سەرپەرشتیاران  و ڕاوێژکارانی پەروەردە .

٠ ڕاپۆرت و خوێندنەوەی دووەمی هەمواری یەکەمی یاسای وەزارەتی پەروەردە

٠ ڕاپۆرت و خوێندنەوەی دووەم بۆ پێشنیازە یاسای پاراستن و باشترکردنی ژینگە.

٠ ڕاپۆرت و خوێندنەوەی دووەم بۆ پرۆژەیاسای ئەندامبوونی عێراق لە ڕێککەوتنی 1998-08-27 سەبارەت بە جێبەجێکردنی بەشی 11ـی ڕێککەوتنی نەتەوە یەکگرتووەکان.

٠ ڕاپۆرت و خوێندنەوەی دووەم بۆ پێشنیازی هەمواری یاسای پەرلەمان و پێکهاتەکانی ژمارە 13ـی ساڵی 2018.