ئیسرائیل ئۆپەراسیۆنەکانی لە غەززە فراوانتر دەکات

 

ئاڤا نیوز

کابینەی ئەمنی ئیسرائیل بڕیاریدا بە فراوانکردنی ئۆپەراسیۆنەکانیان لە غەززە، میدیاکانی ئیسرائیلیش دەڵێن، هێزی یەدەگی ئیسرائیل بەشداری تێدا دەکەن.

وێنە گەورەکە: ئیسرائیل هیوای بە ئازادکردنی بارمتەکانی نەماوە و دەیەوێت بەهەر نرخێک بێت، ببێت بە براوەی جەنگی غەززە.

بڵاوکراوەی فەرمی: میدیاکانی ئیسرائیل ڕایانگەیاند، کابینەی ئەمنی ئیسرائیل ڕێککەوتن لەسەر فراوانکردنی جەنگ لە غەززە و بۆ ئەو مەبەستەش چەندین لیوای یەدەگی هێزەکانی بەرگری ئیسرائیل و فیرقەی 8ـی پیادە لە غەززە جێگیر دەکرێن.

زانیاریی زیاتر: پێشتر سەرچاوەیەکی باڵای ئیسرائیل بە کەناڵ 12ـی وڵاتەکەی ڕاگەیاندبوو، پێدەچێت جەنگی غەززە بە درێژایی ساڵی 2025 بەردەوام بێت و 10 هەزار سەربازیش لە سووپای ئیسرائیل کەم بووەتەوە.