ڕوونکردنەوەیەک لە وەزارەتی دارایی عێراقەوە لەبارەی دەستبردن بۆ پارەی باج

ئاڤا نیوز

 

وەزارەتی دارایی عێراق لە ڕاگەیێنراوێکدا ئەو بانگەشانە ڕەتدەکاتەوە سەبارەت بە ڕاکێشانی سەرمایەی بانکەکانی ڕافیدەین و ڕەشید و ئاماژە بۆ ئەو پارانەی ڕاكێشراون پارەی دانراوی هاووڵاتیان یان دەستمایەی بیمەی تایبەت بە بانکەکان نين، بەڵکو دەگەڕێنەوە بۆ حسابە سەروەرییەکانی وەزارەتی دارایی.

 

وێنە گەورەکە: وەزارەتی دارایی عێراق کێشەی دابینکردنی پارەی نەختینەیی بۆ خەرجکردنی مووچەی مووچەخۆران هەیە و لەپێناو پڕ کردنەوەی ئەو کورتهێنانەش پەنا دەباتە بەر قەرزکردن.

 

چیرۆکی سەرەکی: لە چەند ڕۆژی ڕابردوودا بەڵگەنامەیەک بڵاوکرایەوە، بەگوێرەی بەڵگەنامەکە بۆ دابینكردنی پارە بۆ دابەشكردنی مووچە، ئەنجوومەنی وەزیرانی عێراق ڕەزامەندی نیشانداوە لەسەر ڕاكێشانی سێ تریلیۆن و 45 ملیار و 7 ملیۆن و 500 هەزار دینار لە سندوقی بارمتەی باجی وەزارەتی دارایی.

 

ڕاگەیێنراوی فەرمی: وەزارەتی دارایی عێراق ڕایگەیاند: ئەو پارانە وەک ئامرازێکی کاتیی بەکارکردن لەم بانکانەدا پارێزرابوون و دوای كۆتاییهاتنی پێویستییان، گواسترانەوە بۆ ئەوەی لە چوارچێوەی بودجەی گشتیدا تەرخان بکرێنەوە.

- بانکەکانی ڕافیدەین و ڕەشید پارەیەكی زۆر و یەدەگێكی نەختینەی زیاتر لەو ڕێژەیەیان لەبەر دەستدایە کە بانکی ناوەندی دیاری کردووە.

- بانکەکانی ڕافیدەین و ڕەشید ئەرکەکانیان بەشێوەیەكی ڕێكخراو لە خەرجکردنی مووچە و دابینکردنی دارایی پڕۆژەکان و جێبەجێکردنی بەڵێنەكانیان بە پابەندبوون بەرامبەر بە سەوداكاران ئەنجام دەدەن.

- یەدەگی یاسایی بانکی ڕافیدەین ئێستا نزیکەی نۆ ترلیۆن دیناری عێراقییە، ئەوەش ڕەنگدانەوەی بەهێزیی پێگەی دۆخی داراییەتی.

- ئەو دزیانەی پێشتر کاریگەرییان لەسەر هەندێک لە هەژمارەكانی ئەمانات هەبووە، بەهۆی ئەوەی ڕوویدا، ئەم بڕە پارانە بۆ ماوەیەکی زۆر بێ جوڵەكردن مانەوە، ئەوەش کەلێنی تەکنیکی دروستکرد و تۆڕەکانی گەندەڵی قۆستیانەوە، ڕێوشوێنی نوێی چاودێریمان گرتووەتەبەر بۆ کەمکردنەوەی ئەم مەترسییانە.

- حکومەت بەردەوام دەبێت لە ڕێبازی خۆی بۆ چاکسازیی ئابووری و بەهێزکردنی کاری بانکی و بەڕێوەبردنی دارایی