بانکی ناوەندی دڵنیایی لە بوونی یەدەگی بانکی لە بانکی ڕافیدەین دەدات

ئاڤا نیوز

بانکی ناوەندیی عێراق قەبارەی یەدەگەکانی بانکی ڕافیدەین ئاشکرا دەکات و ئاماژە بۆ ئەوە دەکات یەدەگی بانکەکە زیاتر لە هەشت ترلیۆن و 540 ملیار دینارە.

 

ئەوەی پێویستە بیزانیت: لەسەر دەستبردن بۆ پارەی دانراوی باج لە بانکەکانی ڕەشید و ڕافیدەین، وەزارەتی دارایی عێراق لە ڕاگەیێنراوێکدا ئەو دەنگۆیانەی ڕەتدکردەوە و ئاماژەی بۆ ئەوەدا، ئەو پارانەی ڕاكێشراون پارەی دانراوی هاووڵاتیان یان دەستمایەی بیمەی تایبەت بە بانکەکان نين، بەڵکو دەگەڕێنەوە بۆ هەژمارییە سەروەرییەکانی وەزارەتی دارایی.

 

نووسراوی فەرمی: لە نووسراوەکەی بانکی ناوەندیی عێراق کە واژۆی د.عماد عەبدولجەبار، بەڕێوەبەری گشتی لەسەرە، هاتووە: دەمانەوێت ئاگادارتان بکەینەوە کە باڵانسی یەدەگی بەکارنەهێنراو و پارێزراو لە لای ئەم بانکە بە دیناری عێراقی دەگاتە (4.277.87.827.82) چوار تریلیۆن و دوو سەد و حەفتا و حەوت ملیار و هەشتا و حەوت ملیۆن و هەشت سەد و بیست و حەوت هەزار و هەشتا و دوو دینار.

 

لە بەشێكی نووسراوەکەی بانکی ناوەندیدا هاتووە، "باڵانسی یەدەگی بەکارهاتوو دەگاتە (4.262.000.000.000) چوار تریلیۆن و دوو سەد و شەست و دوو ملیار دینار، بۆیە کۆی گشتی بڕی یەدەگی بانکی ڕافیدەین دەبێتە (8.540.87.827.82) هەشت تریلیۆن و پێنج سەد و چل ملیار و هەشتا و حەوت ملیۆن و هەشت سەد و بیست و حەوت هەزار و هەشتا و دوو دینار تا ڕێککەوتی 4-4-2025.