ترەمپ پێش خۆی وەزیری بەرگریی وڵاتەکەی دەنێرێتە ڕۆژهەڵاتی ناوەڕاست

ئاڤا نیوز

 

بەگوێرەی ماڵپەری ئاکسیۆسی ئەمریکی، پێش سەردانی دۆناڵد ترەمپ، سەرۆکی ئەمریکا بۆ ڕۆژهەڵاتی ناوەڕاست، پیت هێگسێس، وەزیری بەرگری سەردانی ئیسرائیل دەکات.

 

وێنە گەورەکە: بەگوێرەی زانیاریی میدیاکانی ئەمریکا، بڕیارە دۆناڵد ترەمپ، سەرۆکی ئەمریکا، یەکەم گەشتی خۆی بۆ ڕۆژهەڵاتی ناوەڕاست لەدوای گەڕانەوەی بۆ کۆشکی سپی ئەنجام بدات، سەردانەکەش لە ڕۆژانی 13 بۆ 14ـی مانگی ئایار دەبێت  و یەکەم وڵاتیش سەردانی بکات سعودییە دەبێت.

 

لێدوانی فەرمی: دوو بەرپرسی ئیسرائیل بە ئاکسیۆسیان ڕاگەیاندووە، پیت هێگسێس وەزیری بەرگریی ئەمریکا لە 12ـی ئایاردا دەگاتە ئیسرائیل و لەوێ لەگەڵ یسرائیل کاتز، هاوتا ئیسرائیلییەکەی و بنیامین نەتانیاهۆ، سەرۆکوەزیرانی وڵاتەکە کۆدەبێتەوە.

 

زانیاریی زیاتر: دوای ئەم سەردانەی بۆ ئیسرائیل، هێگسێس بڕیارە سەردانی سعودییەش بکات، وەک ئامادەکارییەک بۆ سەردانەکەی ترەمپ.