ترەمپ بەهۆی وێنەیەکەوە ڕووبەڕووی ڕەخنە دەبێتەوە

ئاڤا نیوز

سەرۆکی ئەمریکا بەهۆی ئەوەی وێنەیەکی خۆی بە بە جلی پاپاوە ڕووبەڕووی ڕەخنە دەبێتەوە.

چیرۆکی سەرەکی: ترەمپ وێنەیەکی خۆی بە جلی پاپاوە بڵاوکردەوە، ئەمەش دوای ئەوەی بە گاڵتەجارییەوە وەڵامی پرسیارێکی دایەوە و گوتی، دەیەوێت ببێتە پاپای ڤاتیکان لە شوێنی پاپا فرانسیس.

زانیاریی بەدەستهاتوو: ماتیۆ برۆنی، وتەبێژی ڤاتیکان ڕەتیکردەوە وەڵامی پرسیارەکانی ڕۆژنامەنووسان بداتەوە سەبارەت بە پۆستەکەی ترەمپ.

کاریگەری و لێکەوتەکان: ئەم وێنەی ترەمپ کاردانەوەی جۆراوجۆری بەدوای خۆیدا هێناوە، هەندێک ستایشیان کردووە هەندێکیش ڕەخنەیان لێگرتووە بۆ بەرجەستەكردنی ڤاتیکان و پاپا بەو شێوەیە، هەندێکیش لەبارەی وێنەکەیەوە گووتیانە "هیچ شتێکی زیرەک و کۆمیدی لەم وێنەیەدا نییە جەنابی سەرۆک''.

ئەوەی پێویستە بیزانیت: ڤاتیکان لە ئێستادا خۆی ئامادە دەکات بۆ میوانداریکردنی کۆنگرەیەک لە ڕۆژی چوارشەممە 2025-05-07، کە تێیدا پاپایەکی نوێ هەڵدەبژێرێت کە شوێنی پاپافرانسیس بگرێتەوە.