ئێران مووشەکی بالیستیکی " قاسم بەسیر" نمایش دەکات

ئاڤا نیوز

 

وەزارەتی بەرگری ئێران پەردەی لەسەر جۆرێکی نوێی مووشەکی بالیستیکی لادەدات کە ناوی لێنراوە " قاسم بەسیر" و دەتوانێت مەودای 1200 کیلۆمەتر ببڕێت.

 

بۆچی گرنگە: ئەمە لە کاتێکدایە کە ئێران و ئەمریکا لە 12ی نیسانەوە لە قۆناغی نزیکبوونەوە و دانوستانن بە نێوەندگیری عوممان، دۆناڵد ترەمپ، سەرۆکی ئەمریکاش هەڕەشەی ئەوە دەکات "ئەگەر ئێران لەگەڵیان لەسەر پرسی وزەی ئەتۆمی ڕێکنەکەوێت، سزای زیاتر بەسەر سەرچاوە نەوتییەکانی دەسەپێنێت".

 

ڕاگەیێنراوی فەرمی: عەزیز نەسر زادە، وەزری بەرگری ئێران ڕایگەیاندووە، مووشەکە بالیستییە نوێیەکە ناوی "قام بەسیرە" و دەتوانێت لانی کەم مەودای دووری 1200 کیلۆمەتر ببڕێت، هاوکات ئەگەر ڕووبەڕووی هێرشکردن بووینەوە ئەوا بە تووندی وەڵام دەدەینەوە. 

 

-    ئەم مووشەکە نوێیە توانایەکی بەرزی هەیە لە پێکانی ئامانجەکان، لەگەڵ ئەوەشدا بە سووتەمەنی ڕەق کار دەکات. 

لەلایەکی دیکەوە: وڵاتانی ڕۆژئاوای نیگەرانن لە هەڵوێستەکانی ئێران لە بەرەوپێشچوونی پڕۆگرامە مووشەکییەکانی ئێران و بە ناسەقامگیری بۆ سەر ڕۆژهەڵاتی ناوەڕاست ناوزەندی دەکەن.