لە سووریا دەستبەسەر کارگەیەکی بەرهەمهێنانی حەبی کەپتاگۆندا دەگیرێت

ئاڤا نیوز

هێزە ئەمنییەکانی سووریا لەسەر سنووری نێوان وڵاتەکەیان و لوبنان دەستبەسەر کارگەیەکی بەرهەمهێنانی حەبی هۆشبەر لە جۆری کەپتاگۆندا دەگرن.

 

وێنە گەورەکە: لە سەردەمی دەسەڵاتی بەشار ئەسەد، سووریا ببووە ناوەندێک بۆ بەرهەمهێنانی حەبی کەپتاگۆن و لەوێوە ڕەوانەی وڵاتانی دیکەی عەرەبی دەکرا، لەم بوارەشدا حکومەت بە کارئاسانیکردن بۆ بەرهەمهێنانی ئەو ماددە هۆشبەرە تۆمەتبار دەکرا.

 

ڕاگەیێنراوی فەرمی: بەگوێرەی ڕاگەیێنراوی وەزارەتی ناوخۆی سووریا، بەڕێوەبەرایەتیی بەرەنگاربوونەوەی ماددە هۆشبەرەکان بە هاوکاری لەگەڵ بەڕێوەبەرایەتیی ئاسایشی حمس، توانیان دەستبەسەر کارگەیەکی بەرهەمهێنانی حەبی کەپتاگۆندا بگرن لەسەر سنووری نێوان سووریا و لوبنان.

 

لەلایەکی دیکەوە: سوپای ئوردن ڕایگەیاند، ڕێگری لە هەوڵی دزەکردن و قاچاخبردنی "بڕێکی زۆر" لە ماددەی هۆشبەر لە خاکی سووریاوە بۆ نێو ئوردن کراوە.