نەتەوە یەکگرتووەکان: چوار ملیۆن و 800 ھەزار کەس لە یەمەن ئاوارەبوون

ئاڤا نیوز

کۆمیسیۆنی باڵای کاروباری پەنابەران سەر بە نەتەوەیەکگرتووەکان ڕایگەیاند، چوار ملیۆن و 800 ھەزار کەس لە یەمەن ئاوارەبوون کە پێویستیان بە یارمەتی مرۆیی بەپەلە ھەیە.

چیرۆکی سەرەکی: کۆمیسیۆنی باڵای کاروباری پەنابەران لە ڕاگەیێندراوێکدا ئاماژەی بەوەداوە کە بەھۆی خراپی دۆخی یەمەنەوە، چوار ملیۆن و 800 ھەزار کەس لەو وڵاتە ئاوارەبوون. هەروەها لە ئێستادا پێویستیان بە یارمەتی مرۆیی بەپەلە ھەیە بە تایبەتی لە ڕووی نیشتەجێکردنەوە.

ئەوەی پێویستە بیزانیت: لە یەمەن کە ماوەیەکی زۆرە ناسەقامگیری سیاسیی دەگوزەرێت، شەڕ و پێکدادان لەنێوان ھێزەکانی حکوومەت و حووسییەکان کە لەلایەن ئێرانەوە پاڵپشتی دەکرێن بەردەوامە.

زیانە سەرەکییەکان: شەڕی ناوخۆی یەمەن، زیانی زۆری بە زۆربەی کەرتە گرنگەکان لەو وڵاتە گەیاندووە، ھەروەھا قەیرانی مرۆیی زیاتر کردووە.