لێدوانی نوێی سەرۆكوەزیران مەسرور بارزانی لەبارەی مووچەی فەرمانبەران

ئاڤا نیوز

لە پەراوێزی بەشداریكردنی لە پرسەی هەمزە ئەیاد عەلاوی، سەرۆكوەزیران مەسرور بارزانی باسی لە بابەتی مووچەی فەرمانبەرانی هەرێمی كوردستان و ناردنی لەلایەن بەغداوە كرد.

لێدوانی فەرمی: سەبارەت بە ناردنی پارەی مووچەی فەرمانبەرانی هەرێمی كوردستان لەلایەن بەغداوە، سەرۆكوەزیران مەسرور بارزانی گوتی: ئێمە لەلای خۆمان ئەوەی لەسەرمان بووە ئەنجاممان داوە و ئەركی خۆمان جێبەجێ كردووە و هیوادارین حكومەتی عێراقی فیدڕاڵیش ئەرك و بەرپرسیارێتی خۆی جێبەجێ بكات.

لەلایەكی دیكەوە: سەرۆكوەزیران مەسرور بارزانی، سەبارەت بە بەشداریكردنی لە پرسی هەمزە ئەیاد عەلاوی لە بەغدا بە ڕۆژنامەنووسانی ڕاگەیاند كە بە نوێنەرایەتیی سەرۆك بارزانی و حكومەتی هەرێمی كوردستان بەشدارییان لەو پرسەیە كردووە.