ئۆتۆمبێلی پاپا دەکرێتە کلینیکی گەڕۆک بۆ منداڵانی غەززە

ئاڤا نیوز

 

 لە دواین خواستەکانی پاپا فرانسیس داوای کردبوو کە ئۆتۆمبێلەکەی وەک کلینیکێکی تەندروستیی بۆ منداڵانی غەززە بەکاربهێنرێت و تیادا چارەسەری منداڵانی غەززە بکرێت.

 

وێنە گەورەکە: پاپا فرانسیس، پاپای ڤاتیکان هەمیشە بانگەوازی ئاشتی بۆ جیهان دەکرد دواجار لە تەمەنی 88 ساڵیدا بەهۆی جەڵتەی مێشکەوە کۆچی دوایی کرد، لە 26-4-2025 لە کەنیسەیەک لە ڤاتیکان بە خاک سپێردرا.

 

زانیاریی بەدەستهاتوو: فرانسیس پێش مردنی داوای لە ڕێکخراوی خێرخوازی کەنیسەی کاسۆلیکی کاریتاس کردووە کە یەکێک لەو ئۆتۆمبێلانەی کە بەکاریهێنابوو، بکرێتە کلینێکی فریاگوزاری بۆ دابینکردنی پێداویستییە تەندروستییەکانی منداڵان لە غەززە، کەتیادا چارەسەری سەرەتایی وەک دەرزی لێدان و پشکنینی خێرا ئەنجام دەدرێت، بەمزووانەش داوای ڕەزامەندی لە ئیسرائیل دەکات بۆ ئەوەی ئەم ئۆتۆمبێلە بگاتە غەززە.

 

لێدوانی فەرمی: کاردیناڵ ئاندێرس ئاربۆرلیوس وتی، ئەمە ئاماژەیەکی ڕوونە کە پاپا نیگەرانی دۆخی منداڵان بووە لە غەززە، تەنانەت دوای مردنیشی، هاوکات، ئەمە تەنیا ئۆتۆمبێلێک نییە، پەیامێکە کە جیهان منداڵانی غەززەی لەبیر نەکردووە.

 

باکگراوند: پاپا فرانسیس، بەم ئۆتۆمبێلە لە ساڵی 2014 سەردانی کەرتی ڕۆژئاوای کردبوو.