سوپای ئیسرائیل پەیامێکی خێرا بۆ دانیشتوانی سەنعا دەنێرێت

ئاڤا نیوز

 

سوپای ئیسرائیل هۆشداریی دەداتە سەرجەم ئەو کەسانەی لە ناوچەی دەورووبەری فڕۆکەخانەی نێودەوڵەتیی سەنعای یەمەن نیشتەجێبوون، داوایان لێدەکات هەرچی زووە لە نزیک ئەو فڕۆکەخانەیە دووربکەونەوە. 

وێنە گەورەکە: ڕۆژی 4-4-2025، مووشەکێک لە یەمەنەوە ئاڕاستەی فڕۆکەخانەی بن گۆریۆنی ئیسرئیل کرا و هەر دوای ئەو مووشەکە، دەنگی چەند تەقینەوەیەک لە ناوەڕاستی تەلئەڤیڤ بیسترا و ئێستا لە وەڵامی ئەو هێرشە، ئیسرائیل هۆشدارییەکی خێرا دەداتە خەڵکی نیشتەجێی نزیک فرۆکەخانەی سەنعا و دەڵێت، ناوچەکە چۆڵ بکەن.

 

ڕاگەیێنراوی فەرمی: سوپای ئیسرائیل ڕۆژی سێشەممە هۆشدارییەکی بۆ هەموو دانیشتوانی نزیک ناوچەی فڕۆکەخانەی نێودەوڵەتیی سەنعا نارد و ڕایگەیاند: هۆشدارییەکی بەپەلە بۆ هەموو ئەوانەی لە نزیک ئەو فڕۆکەخانەیە نیشتەجێبوون، داواتان لێدەکەین دەستبەجێ چۆڵی بکەن و هەموو کەسێکی دەورووبەرتان ئاگادار بکەنەوە لە پێویستی چۆڵکردنی ئەم ناوچەیە''.

 

- مانەوەتان لەوناوچەیە ژیانتان دەخاتە مەرسییەوە. 

قووڵتر: ئەم ئاگاداییەکی ئیسرائیل لە کاتێکدایە کە هەڕەشەی لە حووسییەکانی یەمەن کردووە کە بە گورزێکی کوشندە وەڵامی ئەو هێرشە دەداتە کە کردوویانەتە سەر وڵاتەکەیان، هەر دوێنی دووشەممە بە هەماهەنگی لەگەڵ ئەمریکا هێرشی کردە سەر چەند پێگەیەکی ئەو گرووپە لە یەمەن.