ئێران ڕەتیدەكاتەوە دانوستانی نهێنی لەگەڵ ئەمریكا كردبێت

ئاڤا نیوز

بەرپرسانی تاران ڕەتیدەکەنەوە هیچ دانوستانێکی نهێنییان لەبارەی ئاڵۆزییەکانی دەریای سوور، لەگەڵ ئەمریکا کردبێت.

چیرۆکی سەرەکی: میدیاکانی ئێران لەزاری بەرپرسانی ئەو وڵاتە بڵاویانکردووەتەوە کە تاران هیچ دانوستانێکی پەیوەست بە ئاڵۆزییەکانی دەریای سوور لەگەڵ ئەمریکا نەکردووە.

زانیاريی زیاتر: گۆڕینەوەی نامە و دانوستانی ناڕاستەوخۆ لەنێوان واشنتن و تاران لەبارەی هەڵگرتنی سزاکان و پرسی ئەتۆمی هەبووە، بەڵام لەبارەی پێشهاتەکانی دەریای سوور هیچ شتێکی لەو جۆرە نەبووە. میدیاکانی ئێران وادەڵێن.

ئەوەی پێویستە بیزانیت: بەپێی میدیا بەریتانی و ئەمریکیەکان، لە مانگی کانوونی دووەمی ئەمساڵ کۆبوونەوەیەکی نهێنی لە نێوان ئەمریکا و ئێران لەبارەی کێشەکانی دەریای سوور بەڕێوەچووە. برێت مەکگۆرک، ڕاوێژکاری کۆشکی سپی لە ڕۆژهەڵاتی ناوەڕاست سەرۆکایەتی شاندەکەی ئەمریکا بووە و عەلی باقر کنی، جێگری وەزیری دەرەوە سەرۆکایەتی شاندەکەی ئێرانی کردووە.