ترەمپ فەرمانی دەستبەجێ ڕاگرتنی هێرشەکانی بۆ سەر یەمەن دەرکرد

ئاڤا نیوز

ئیسرائیل بۆ دووەم ڕۆژ لەسەر یەک بەچڕی یەمەنی بۆردوومان کرد و چەند شوێنێکی ستراتیژی تەختی زەوی کرد. بۆردوومانەکانی ئەمجارەی ئیسرائیل کاردانەوەی گەورەی بەدوا داهات و ترەمپ فەرمانی دەستبەجێ ڕاگرتنی هێرشەکانی بۆ سەر یەمەن دەرکرد.

وێنە گەورەکە: فرۆکە جەنگیەکانی ئیسرائیل بۆ دووەم ڕۆژ لەسەر یەک چەند شوێنێکیان لەیەمەن بۆردوومان کرد. هێرشەکانی ئەمجارەی ئیسرائیل بۆ سەر فڕۆکەخانەی نێودەوڵەتی سەنعا و وێستگەکانی کارەبا و چەند کارگەیەکی چیمەنتۆ بوو.

ڕاگەیێنراوی فەرمی: سوپای ئیسرائیل دەڵێ، "وا لە فرۆکەخانەی سەنعامان داوە بەکەڵکی هیچ نەماوە، گرووپی ئەنساروڵڵای حوسی بەکاریان هێناوە بۆ گواستنەوەی چەک و تەقەمەنی.

- کارگەی چیمەنتۆکەیشیان بۆ درووستکردنی خەندەق بەکارهێناوە.

لەلایەکی دیکەوە: میدیاکانی ئیسرائیل دەڵێن، 10 شوێن بۆردوومان کراون، لەناو فرۆکەخانەی سەنعا، ڕێڕەوی سەرکەوتنی گەشتیار و چوونیان بۆ ناو فرۆکە،  چەندین فرۆکە تێکشکێندراون. هاوکات تاوەری چاودێری و فڕۆکەخانەکە تەختی زەوی کراوە.

ئەوەی پێویستە بیزانیت: هێرشەکە نزیکەی سەعاتێک بەردەوام بووە و دەیان فرۆکەی جەنگی ئیسرائیل تێیدا بەشداربوون. بەهۆیەوە تا ئێستا کوژرانی سێ کەس و برینداربوونی 35 کەس ڕاگەیێنراوە.

کاریگەریی و لێکەوتەمان: هێرشەکە کاردانەوەی زۆری لێ کەوتەوە. لەوانە دۆناڵد ترەمپ، سەرۆکی ئەمریکا کەمێک پێش ئێستا فەرمانی دەرکرد دەستبەجێ هێرشەکان بووەستێنرێن.

- ترەمپ دەڵێ: حوسییەکان ڕایانگەیاند، نایانەوێت شەڕ بکەن و هێرشەکانیان دەوەستێنن، "ئێمەش ئەوەمان پەسەند کرد و هێرشەکان ڕادەگرین".