لە بەڕێوەبەرایەتیی پۆلیسی گەرمیان شەڕە بۆکس دروست دەبێت

ئاڤا نیوز

کارمەندێکی پۆلیسی گەرمیان دوای ئەوەی بڕیاری گواستنەوەی ڕاژەی بۆ دەردەکرێ و بە بڕیارەکە دەزانێت، دەچێتە سەر بەڕێوەبەری ئیدارەی پۆلیسی گەرمیان و بە بۆکس پەلاماری دەدات.

وێنە گەورەکە: کارمەندێکی لێژنەی ئەمنیی بەڕێوەبەرایەتیی گشتیی پۆلیسی گەرمیان ماوەی پێنج مانگە بڕیاری گواستنەوەی ڕاژەی بۆ دەرچووە و ئەمڕۆ بە بڕیارەکەی زانیوە.

هۆکارە زانراوەکان: پۆلیسەکە بەهۆی بڕیارەکە لەگەڵ سکرتێری بەڕێوەبەری ئیدارە دەبێتە دەمەقاڵی و لەم کاتەدا دەنگەدەنگ دروست دەبێت، پۆلیسەکە بە بۆکس پەلاماری سکرتێر و بەڕێوەبەرەکەی دەدات.

- سکرتێر و بەڕێوەبەری ئیدارە هەردووکیان ئەفسەرن و بەڕێوەبەری گشتیی پۆلیسی گەرمیانیش دوای ڕووداوەکە کارمەندەکەی زیندانی کردووە.