حووسییەکان: هێرشەکانمان بەردەوام دەبن و خۆمان بەدەستەوە نەداوە

ئاڤا نیوز

سەرەڕای وەستاندنی جەنگ لەلایەن ئەمریکاوە، حووسییەکانی یەمەن دەڵێن، هێرشەکانمان بۆ پشتیوانی غەززە بەردەوام دەبن و هیچ دانووستانێکمان نەکردووە.

چیرۆکی سەرەکی: دۆناڵد ترەمپ، سەرۆکی ئەمریکا لە کۆشکی سپی بە ڕۆژنامەنووسانی ڕایگەیاند، حووسییەکان بە ئێمەیان گووتوە کە خۆیان ڕادەست دەکەن و ئیدی هێرش ناکەنە سەر کەشتییەکانی ئەمریکا، ئێمەش هێرشەکانمان لە دژیان ڕادەگرین، بەڵام حووسییەکان ئەمە ڕەتدەکەنەوە و دەلێن هیڕشەکانیان بەردەوام دەبن.

ڕاگەیێنراوی فەرمی: مەهدی مەشات، سەرۆکی حووسییەکان ڕاگەیاند "بزووتنەوەکە بەردەوام دەبێت لە هێرشەکانی بۆ پشتیوانیکردن لە غەززە، و لەمەودوا دەبێت ئیسرائیل لە پەناگەدا بمێنێتەوە یان دەستبەجێ وڵاتەکەیان بەجێبهێڵن و بڕۆن، چونکە حکوومەتە شکستخواردووەکەی چیتر ناتوانێت پارێزگاری لە هاووڵاتییانی بکات".

لەلایەکی دیکەوە: ڕۆژنامەی نیویۆرک تایمز  لە زاری بەرپرسێکی ئێرانی بڵاویکردەوە، ئێران کە بە پشتیوانێکی سەرەکی حووسییەکان دەزانرێت فشار دەخاتە سەر حوسییەکان بۆ ئەوەی هێرشەکانیان بۆ سەر کەشتییە ئەمریکییەکان، ڕابگرن بەڵام حووسییەکان ئەمەیان ڕەتکردووەتەوە.