لە هەولێر و دهۆک بەرهەمی گەنم بەڕێژەی 50% دادەبەزێت

ئاڤا نیوز

بەهۆی وشکەساڵی و کەمی بارانبارین، لە هەولێر و دهۆک بەرهەمهێنانی گەنم بەڕێژەی 50% دادەبەزێت و بەشێکی زۆری جووتیاران گەنم نادوورنەوە.

وێنە گەورەکە: ئەمساڵ بەگوێرەی پلانی وەزارەتی بازرگانی عێراق 400 هەزار تۆن گەنم لە جووتیاران وەردەگرێت، بەراورد بە ساڵی ڕابردوو 300 هەزار تۆن کەمترە، ئەمەش بۆ کەمی باران و وشکەساڵی دەگەڕێتەوە، کە زەرەری لە بەشێکی جووتیاران داوە.

لێدوانە فەرمییەکان:

هێمن سەید موراد، بەڕێوەبەری گشتیی کشتوکاڵی هەولێر بە ئاڤای گوت، "هەولێر دابەشی سێ زۆن دەبێت، کە زۆنی مسۆگەر زەوییە بەراو و دێمەکانیان بارانی مسۆگەری تێدایە و بەرهەمی دەبێت، زۆنی نیمچە مسۆگەر، زەوییە ئاوییەکان بەرهەمیان دەبێت، بەڵام بەشێکی دێمەکان بەرهەمیان نییە، زۆنی نامسۆگەر، زەوییە دێمەکان هیچ بەرهەمێکیان نییە، بەشێکی زەوییە بەراوەکانیش بێبەرهەمن." ساڵی ڕابردوو نزیکەی یەک ملیۆن تۆن بەرهەم هاتووە و پێشبینی دەکەین بەرهەمی ئەمساڵ نیوەی ساڵی ڕابردوو بێت."

ئەحمەد جەمیل، بەڕێوەبەری کشتوکاڵی دهۆک بە ئاڤای ڕاگەیاند، "ئەمساڵ 420 دۆنم زەوی داچێنراو بەگەنم نادوورێتەوە، پێسبینی دەکەین 250 هەزار تۆن بەرهەم بهێنرێت بەراورد بەساڵی ڕابردوو 180 هەزار تۆن کەمترە، واتا بەڕێژەی 50% دابەزیوە."

لەلایەکی دیکەوە: نەسرین ئەحمەد، بەڕێوەبەری سایلۆکانی سلێمانی بە ئاڤای گوت، "دۆخی زەوییەکانی داچێنراو بە گەنم لە سنووری سلێمانی و هەڵەبجە باشە، کاریگەرییەکی کەمی وشکەساڵی لەسەر بەرهەمی گەنمی ئەمساڵ لە سنوورەکە دەبێت."