گفتوگۆکانی ئاگربەستی غەززە بەڕێوەچووە

ئاڤا نیوز

بە گوێرەی چەند سەرچاوەیەکی نزیک لە حەماس لە چەند ڕۆژی ڕابردوودا گفتوگۆکانی تایبەت بە دانوستانەکانی ئاگربەستی غەززە بەڕێوە چوون.

 

وێنەگەورەکە: ماوەی چەند مانگێکە حکومەتی ئیسرائیل ڕێگە بە هاتنەناوەوەی هیچ هاوکارییەکی مرۆیی بۆ ناو کەرتی غەززە نادات و جگە لە بۆردوومانکردنی بەردەوام، "سیاسەتی بریسکردن"ـیش دژی هاووڵاتیانی کەرتی غەززە بەکاردەهێنێت، ئەمەش کاردانەوەی نێودەوڵەتی بەدوای خۆیدا هێناوە.

زانیاریی زیاتر: گفتوگۆکان لە نێوان نێوەندگیرەکاندا ئەنجام دراون بە ئامانجی کۆتاییهێنان بە هێرشەکانی ئیسرائیل بۆ سەر کەرتی غەززە و بەردانی بارمتەکان کە لە ژێر دەستی حەماسدان.

بە گوێرەی سەرچاوەکان لەگەڵ ئەوەدا گفتوگۆی نێوەندگیرەکان بەڕێوەچووە، بەڵام هیچ بەرەوپێشەوەچوونێکیان تێدا بەدەست نەهاتووە.

باکگراوند: لە ئۆکتۆبەری 2023ـەوە ئیسرائیل زیاتر لە 52 هەزار فەلەستینی لە کەرتی غەززە کوشتووە و هێرشەکانیشی بەردەوامە. لە مانگی ئازاری ئەمساڵیشەوە گەمارۆیەکی تووندی خستووەتە سەر کەرتەکە و ڕێگە بە چوونە ناوەوەی هیچ خۆراک و یارمەتییەکی مرۆیی نادات و کەرتەکە ڕووبەڕووی قەیرانێکی مرۆیی گەورە بووەتەوە.