حکومەتی سووریا لەڕێگەی قەتەرەوە مووچەی فەرمانبەرانی دابین دەکات

ئاڤا نیوز

 

محەممەد بوسر بەرنییە، وەزیری دارایی سووریا ڕایگەیاند، قەتەر مانگانە بڕی 29 ملیۆن دۆلار بۆ ماوەی سێ مانگ وەک پاڵپشتی دارایی دەبەخشێتە حکومەتی سووریا، ئەمەش بۆ ئەوەیە بتوانێت مووچەی فەرمانبەرانی پێ دابین بکات.

 

بڵاوکراوەی فەرمی: ئاژانسی ھەواڵیی فەرمی سووریا (سانا) بڵاوی کردەوە، محەممەد بوسر بەرنییە لە لێدوانێکدا ڕایگەیاندووە، حکومەتی سووریا لە چوارچێوەی ئەو بەخشینە داراییەی کە لە قەتەر وەری دەگرێت، مووچەی فەرمانبەرانی کەرتەکانی تەندرستی، فێرکردن، کاروباری کۆمەڵایەتی، خانەنشینی سەربازیی و مەدەنی پێ دابین دەکات.

 

- باسی لەوەشکردووە کە، "بەردەوامین لە ھەوڵەکانمان بۆ ئەنجامدانی چاکسازی دارایی و دروستکردنی متمانە بە سیستمی دارایی وڵاتەکەمان".

زانیاریی زیاتر: بەخشینەکە لەلایەن پرۆگرامی گەشەپێدانی نەتەوە یەکگرتووەکانەوە بەڕێوەدەبرێت، ھاوکات ستایشی وەزارەتی گەنجینەی ئەمریکا کردووە، لەوەی ئەم بەخشینەی داراییەی قەتەر بۆ حکومەتی سووریا لە سزاکانی سەر سووریای ھەڵگرتووە.

ئەمەش بزانە: ئەگەری ھەیە بەخشینە داراییەکەی قەتەر بۆ حکومەتی سووریا، درێژ بکرێتەوە.