پاکستان: لە دوو ڕۆژدا 77 درۆنی هیندستانمان خستوونەتە خوارەوە

ئاڤا نیوز

پاکستان ڕایگەیاند، لە ماوەی دوو ڕۆژدا 77 درۆنی هیندستانیان خستوونەتە خوارەوە. 

زانیاریی بەدەستهاتوو: بە گوێرەی هەواڵی میدیای دەوڵەتیی پاکستان کە لە زاری سەرچاوە سەربازییەکانەوە بڵاوی کردووەتەوە، درۆنەکانی هیندستان لە ئاسمانی خاکی پاکستان خراونەتە خوارەوە کە بە مەبەستی هێرشکردنە سەر چەند شوێنێک ئاراستە کرابوون.

ئەوەی پێویستە بیزانیت: پاکستان و هیندستان دوو دراوسێی خاوەن چەکی ئەتۆمین و بە هۆی هێرشێکی چەکداری کە کرایە سەر بەشە هیندستانییەکەی کشمیر کێشەکانی نێوانیان زیاتر بووە و چەند جارێکیش یەکدیان بۆردوومان کردووە.