ئەحمەد شەرع بۆیەکەمجار بەسەردانێکی فەرمی دەگاتە بەحرەین

ئاڤا نیوز

ئەحمەد شەرع، سەرۆکی سووریا بۆ یەکەمجار بە سەردانێکی فەرمی دەگاتە بەحرەین و بڕیارە لەگەڵ میری ئەو وڵاتەکە کۆببێتەوە.

 

بۆچی گرنگە: دەسەڵاتدارانی ئێستای سووریا پەیوەندییەکی پتەویان لەگەل وەڵاتانی عەرەبیدا و بەتایبەتی وڵاتانی کەنداو هەیە و ئەم سەردانەی شەرعیش لە کاتێکدایە پاش چەند ڕۆژێکی دیکە لووتکەی عەرەبی بە بەشداری سەرکردە و پادشای وڵاتانی عەرەبی لە شاری بەغدا بەڕێوەدەچێت، بۆ ئەو مەبەستەش تا ئێستا عێراق داوەتنامەی فەرمی بۆ زۆرێک لەو سەرکردانە بەئەحمەد شەرعیشەوە ڕەوانە کردووە.
 
لێدوانی فەرمی: ئاژانسی هەواڵی سانا بڵاویکردەوە، ئەحمەد شەرع، سەرۆککۆماری سووریا بە سەرۆکایەتی شاندێکی فەرمی گەیشتووەتە بەحرەین و لەلایەن شێخ حەمەد بن ناسر ئال خەلیفە، کوڕی پاشای بەحرەین پێشوازی لێ کراوە و بڕیارە لەچەند کاتژمێرێکی داهاتوو لەگەڵ ئەمیر و بەرپرسانی ئەو وڵاتە کۆببێتەوە.

 

ئەمەش بزانە: شەرع لە دوای دەستبەکاربوونی وەک سەرۆککۆماری سووریا، سەردانی چەندین وڵاتی کردووە کە بریتیین لە سعوودیە، ئوردن قەتەر ،میسر، ئیمارات ،تورکیا و فەرەنسا بۆ پەرەدان بە پەیوەندییە دیپلۆماسییەکانی لەگەڵ ئەو وڵاتانە.