عێراق گەشتە ئاسمانییەکانی بۆ هیندستان و پاکستان ڕادەگرێت

ئاڤا نیوز

بەهۆی گرژییە سەربازییەکانی نێوان هیندستان و پاکستان، وەزارەتی گواستنەوەی عێراق بەشێوەیەکی کاتی گەشتە ئاسمانییەکانی بۆ ئەو دوو وڵاتە ڕاگرتووە.

ئەوەی پێویستە بیزانیت: دوای چوار ڕۆژ لە گرژیی سەربازیی و شەڕ و پێکدادانی نێوانیان، ئەمڕۆ هیندستان و پاکستان لەسەر ڕاگرتنی گرژییەکان ڕێککەوتن.

زانیاریی تایبەت: بەرپرسێک لە وەزارەتی گواستنەوەی عێراق بە ئاڤا میدیای ڕاگەیاند، بەهۆی گرژییە سەربازییەکانی نێوان هەردوو وڵات، عێراق بەشێوەیەکی کاتی گەشتە ئاسمانییەکانی بۆ هیندستان و پاکستان ڕاگرتووە و هەر کاتێکیش گرژییەکان بوەستن، گەشتەکان ڕاستەوخۆ دەستپێدەکەنەوە.

ئاماژەی بەوەشکرد، بەهۆی گرژییەکانی نێوان ئەو دوو وڵاتە، گەشتە ئاسمانییەکانی وڵاتان بەسەر ئاسمانی عێراق بەشێوەیەکی بەرچاو زیادیکردووە، ئەوەش لە ڕووی داراییەوە بۆ عێراق سوودی هەیە، بەڵام ئەم سوودەش کاتییە و بەهۆی گرژییەکانەوەیە.