ئێران بەندەرەکانی ئەوروپا بۆ ناردنی چەک بۆ حیزبوڵڵا بەکار دێنێت

ئاڤا نیوز

ئێران بە سوود وەرگرتن لە بەندەرەکانی وڵاتانی یەکێتیی ئەوروپا، چەک و کەرەستەی سەربازی بۆ حیزبوڵڵای لوبنانی ناردووە. 

وێنە گەورەکە: بە گوێرەی ڕاپۆرتێکی ڕۆژنامەی تێلێگرافی بەریتانی، ئێران لە ڕێگەی بەندەرەکانی ئانتوێرپ، ڤالێنسیا و ڕاڤێنا لە بەلجیکا و ئیسپانیا و ئیتالیا چەکی بۆ بەندەری لازقیە لە باشووری سووریا گواستووەتەوە، لەوێشەوە بۆ لوبنانی ناردووە. ئێران لە ڕێگەی شاردنەوەی باری کەشتییەکان و نادیارکردنی ئامانجی کەشتییەکانەوە هەوڵی شاردنەوەی ڕێڕەوی کەشتییەکانی داوە. 

زانیاریی زیاتر: گواستنەوە و ناردنی باری کەرەستە سەربازییەکان لە ژێر سەرپەرشتیی سوپای قودس و حیزبوڵڵا بووە. 

ئەوەی پێویستە بیزانیت: دوای ئەوەی ئیسرائیل لە ڕێگەی هێرشی ئاسمانییەوە ئەو کاروانی چەکانەی دەكردە ئامانج کە لە عێراقەوە دەچوونە سووریا، ئێران بۆ ناردنی چەک بۆ حیزبوڵڵای لوبنانی ڕێگای دەریایی هەڵبژاردووە.