بەختیار عەلی گەورەترین خەڵاتی ئەدەبی لە ئەڵمانیا بەدەستهێنا

ئاڤا نیوز

 

بەختیار عەلی، ڕۆماننووسی كورد لە ئەڵمانیا خەڵاتی هێڵدا دۆمینی پێبەخشرا، کە یەكێكە لە گەورەترین خەڵاتەكانی ئەو وڵاتە و تەنیا بە نووسەرە گەورەكان دەدرێت.

 

وێنە گەورەكە: خەڵاتی هێڵدا دۆمین، خەڵاتێكی ئەدەبییە، بەناوی شاعیرە ژنێكی ئەڵمانییەوەیە، لە ساڵی 1992ـەوە خەڵاتەكە دەدرێت بەو كەسانەی كە بە زمانی ئەڵمانی دەنووسن، ئەمساڵ خەڵاتەكە بەخشرایە ڕۆماننووسی كورد بەختیار عەلی.

 

ڕاگەیەنراوی فەرمی: پەیجی فەرمی بەختیار عەلی لە فەیسبووک وێنەكانی كاتی وەرگرتنی خەڵاتەكەی بڵاوكردووەتەوە و دەڵێت: هۆکارى تایبەتى بەخشینى خەڵاتەکە بە نووسەر دەگەڕێتەوە بۆ ئەوەى کە لە جیهانێکی پڕ قەیران و جەنگدا، ئەدەبی بەختیار عەلی دەلالەتێکی مرۆڤدۆستیمان دەنێتە بەردەست".

 

ئەوەی پێویستە بیزانیت: هیڵدا دۆمین لە ساڵی 1909 لە کۆڵن لەدایکبووە، یەکێکە لە بەناوبانگترین شاعیرانی سەدەی بیست لە ئەڵمانیا، لەدوای مردنی خەڵاتەکە کرا بە ناوی ئەوەوە، لە سەردەمی جەنگدا ماوەیەکی درێژ لە تاراوگە ژیاوە، تاراوگەبوون شوێنێکی گرنگی لە ژیان و ئەدەبیاتیدا هەیە.