شێوازی دابەشکردنی مووچە لە هەولێر گۆڕانکاریی بەسەردادێت

ئاڤا نیوز

 

شێوازی دابەشکردنی مووچەی فەرمانبەرانی سنووری هەولێر گۆڕانکاری بەسەردادێت و دابەشکردنی پارە بەشێوازی کاش کۆتایی دێت، وەزارەتی دارایش لەوبارەیەوە هۆشداریی بە مووچەخۆران دەدات. 

 

وێنە گەورەکە: حکومەتی هەرێـمی کوردستان لەچوارچێوەی گرنگیدان بە ژێرخانی بە دیجتاڵکردنی سەرجەم سێکتەرەکان و هێنانەکایەی ئاسانکاری بۆ سەرجەم هاونیشتمانییان دەستیکردووە بە تۆمارکردنی فەرمانبەران لە پڕۆژەی هەژماری من، ئەمەش بە ئامانجی ئەوەی قەرەباڵغی و نۆرەگرتن بۆ وەرگرتنی مووچە نەمێنێت و مووچەخۆران بتوانن بە ئاسانی پارەکانیان وەربگرن.

 

بڵاوکراوەی فەرمی: وەزارەتی دارایی و ئابووری هەرێمی کوردستان بە نووسراوێکی فەرمی کە واژۆی ئاوات شێخ جەناب، وەزیری دارایی لەسەرە و بۆ سەرجەم یەکە ژمێرکارییەکانی سەر بە پارێزگای هەولێری ناردووە، تیایدا هاتووە تاوەکو 27ی ئەم مانگە دوا وادەیە بۆ دابەشکردنی مووچە بەشێوەی نەختینەی. 

- فەرمانبەران پێویستە بە زووترین کات زانیاریی و فۆڕمی هەژماری من پڕبکەنەوە، دوای ئەو وادەی دیاریکراوە ناتوانن بەشێوەی کاش مووچەکانیان وەربگرن. 

- پێویستە ئەو فەرمانبەرانی تاوەکو ئێستا کارتی بانکیان وەرنەگرتووە پێش وادەی دیاری کراو بچن کارتەکانیان وەربگرنەوە.