ئاڤا دەنگی مووچەخۆرانی ڕانیە و قەڵادزێ دەگەیەنێتە لایەنی پەیوەندیدار

ئاڤا نیوز

 

بەشێکی زۆر لە مووچەخۆرانی سنووری ڕانیە و قەڵادزێ داوای زیادکردنی ئامێرەکانی ATM یان لە سنوورەکەیان هەبوو، ئاڤا میدیاش دەنگیان دەگەیێنێتە لایەنی پەیوەندیدار و بەڵێنی چارەسەریان بۆ وەردەگرێتەوە. 

 

چیرۆکی سەرەکی: مووچەخۆرانی سنووری ئیدارەی ڕانیە و قەڵادزێ پەیوەندییان بە ئاڤاوە کردووە و داواکارن ئامێرەکانی ATM بۆ وەرگرتنی مووچە لە ناوچەکانیان زیاد بکرێن، بەهۆی کەمی ئامێرەکانەوە تووشی ئاستەنگی و زەحمەتی زۆر دەبن لەبەرامبەردا داوایان کردووە ئاڤا دەنگیان بگەیەنێت بە لایەنی پەیوەندیدار. 

لێدوانی فەرمی: تیمی هەژماری من لەوبارەیەوە بە ئاڤای ڕاگەیاند: ئەم مانگە ئامێرەکانی ATM لە  قەڵادزی دادەنرێن و کێشەی کەمیی ئامێرەکە لە ڕانیە و قەڵادزێ چارەسەر دەکرێت. 

ئەوەی پێویستە بیزانیت: ئێستا لە سەرانسەری هەرێمی کوردستان 580 ئامێری ڕاکێشانی پارە لە 200 شوێنی جیاواز دانراون، بۆ مووچەی مانگی چوار 365 هەزار مووچەخۆر لەڕێگەی "هەژماری من" مووچەیان وەرگرتووە.