سیستەمی پەیرۆڵ بۆ ئامادەکردنی لیستی مووچە کارا دەکرێت

ئاڤا نیوز

سبەی سێشەممە سیستەمی پەیرۆڵ بۆ ئامادەکردنی لیستی مووچە کارا دەکرێت. 

زانیاریی تایبەت: سەرچاوەیەک لە وەزارەتی دارایی و ئابووریی هەرێمی کوردستان بە ئاڤای ڕاگەیاند، هەموو هەوڵێک بۆ ئەوەیە لە نزیکترین کات لیستی مووچە بۆ وەزارەتی دارایی عێراق بنێردرێت. بە جۆرێک هەوڵ دەدرێت ئەگەر بۆ ئەم پێنجشەممەیە ئامادە بێت لیستەکە بنێردرێت.

- ئەم مانگە گۆڕانکارییەکی ئەوتۆ لە لیستی مووچەخۆران ناکرێت، تەنها ئەو کەسانەی لە مانگی پێنج تەمەنیان بووەتە 60 ساڵ و خانەنشینی دەیانگرێتەوە، ناوەکانیان دەرەهێنرێت.

ئەوەی پێویستە بیزانیت: حکومەتی هەرێمی کوردستان بۆ مووچەی مانگی پێنج یەکەم ئەرکی خۆی بەرامبەر بەغدا جێبەجێ کرد، ئەویش تەرازووی پێداچوونەوە - میزان مراجەعەیە و لە ڕۆژی پێنجشەممە 15ـی ئەم مانگەوە نێردراوە.

لەلایەکی دیکەوە: یەکە ژمێریارییەکانی سەرجەم وەزارەت و فەرمانگە و دەستەکان ئاگادارکراونەتەوە، بەخێرایی لیستی مووچەی مانگی پێنج بە سیستمی پەیرۆڵ ئامادە بکەن و بۆ وەزارەتی بنێرن.