ئەمساڵ ئاهەنگی نەورۆز لە ئاکرێ جیاواز دەبێت

ئاڤا نیوز

بڕیارە ئەمساڵ بۆ یەکەمجار حکومەتی هەرێمی کوردستان بەفەرمی سەرپەرشتی چالاکییەکانی ئاهەنگی نەورۆز بکات لە ئاکرێ.

وێنە گەورەکە: قەزای ئاکرێ لە باشووری کوردستان بە پایتەختی نەورۆز دەناسرێت و ساڵانە جیاوازترین ئاهەنگی نەرۆزی لێ دەکرێت و هەزاران کەس بەشداریی تێدا دەکەن، بۆ ئاهەنگی ئەمساڵ ئامادەکارییەکان بەردەوامن و جیاوازتر لە ساڵانی ڕابردوو دەبێت.

لێدوانی فەرمی: د. دلاوەر بوزو، قایمقامی ئاکرێ بە ئاڤا نیوزی گوت، بڕیارە ئەمساڵ بەپرسانی باڵاو و ژمارەیەک باڵیۆز و کونسوڵ و نوێنەرایەتییە بیانییەکان  و خەڵکی بیانی بەشداری تێدا بکەن.

زانیاریی زیاتر: لەلایەن چەندین گرووپی خۆبەخشەوە نزیکەی دوو هەزار مەشخەڵی ئاگر ئامادە دەکرێن، هەروەها ئەمساڵ شوێنی بەڕێوەچوونی ئاهەنگەکە لە سەرێ گری فراوانکراوە و شوێن بۆ هەزار میوان دابینکراوە.

ئەمەش بزانە: ئاگر لەسەر سێ شاخی ئاکرێ (کەلێ، کەلە کەڤن و تیشی) دادەگیرسێنرێت و کۆمەڵیک یاری ئاگرین ئامادەکراون کە یەکەمجارە لە هەرێمی کوردستان و عێراق بەکاربهێنرێن.