شێخی کەشوهەوا خەڵات دەکرێت

ئاڤا نیوز

شێخ دارا، شارەزای کەشوهەوا و پێشکەشکاری دیاری ئاڤا میدیا لەلایەن ڕێکخراوێکەوە خەڵات دەکرێت.

چیرۆکی سەرەکی: ئەمڕۆ شەممە 2025-05-24، ڕێکخراوی ڕۆشنبیرانی کورد لە بەریتانیا، لە شاری سلێمانی ڕێورەسمێکیان ڕێکخست و شێخ دارایان خەڵات کرد.

ئەوەی پێویستە بیزانیت: ڕێکخراوی ڕۆشنبیرانی کورد لە بەریتانیا، شێخ دارا، شارەزای کەشوهەوایان وەکو کەسێکی ژینگە دۆست و ماندوو لەو بوارە خەڵات کردووە، بەوەی پێشبینییەکانی بوونەتە جێی سەرنجی هاووڵاتیان.

زانیاریی زیاتر: خەڵاتەکە لەلایەن هونەرمەندی گەورەی کورد، ئەنوەر قەرەداغی بە شێخ دارا بەخشرا، لە ڕێوڕەسمەکەدا شێخ دارا وتارێکی پێشکەش کرد، جگە لەمەش کتێبەکەی لەبارەی ژیانی شێخ داراوە پێشکەش کراوە.