کۆریای باکوور بۆ دووەمجار لەمساڵدا مووشەکی بالیستیک تاقیدەکاتەوە

ئاڤا نیوز

 

میدیای کۆریای باشوور ڕایگەیاند، کە کۆریای باکوور مووشەکێکی بالیستیکی بە ئاراستەی ڕۆژهەڵاتدا هاوێشتووە.

 

وێنە گەورەکە: ئەمە دووەمجارە لەمساڵدا کۆریای باکوور مووشەکی بالیستیکی بۆ تاقیکردنەوە هەڵبدات، پێشتریش لە 14ـی کانوونی دووەمدا مووشەکێکی دیکەی هاوێشت.

 

لێدوانی فەرمی: ئاژانسی هەواڵی یۆنهاپ-ـی کۆریای باشوور ڕایگەیاند: کۆریای باکوور مووشەکێکی بالیستیکی بەرەو دەریای ڕۆژهەڵات هەڵداوە، کە بە دەریای ژاپۆن ناسراوە".

 

باکگراوند: ئەم کردەیە چەند ڕۆژێک لەدوای تەواوبوونی مانۆڕ و مەشقی ساڵانەی سەربازیی کۆریای باشوور و ئەمریکا دێت، کە هەفتەی ڕابردوو کۆریای باکوور هۆشداری دا لەوەی "هاوپەیمانەکان باجێکی قورس دەدەن"، دواتریش سەرۆکی وڵاتەکە خۆی سەرپەرشتیی مەشقی سەربازیی وڵاتەکەی کرد و تانکی نوێی تاقی کردەوە.