کرمی داربەڕوو دەبێتە هۆی وشکبوونی ژمارەیەکی زۆر درەختی قەزای دووکان

ئاڤا نیوز

 

بەهۆی کەمبارانی و وشکە ساڵییەوە، کرمی داربەڕوو لەناو درەختەکانی خەلەکان بڵاوبووەتەوە بەهۆیەوە بەشێکی زۆریان وشکبوون و گەڵایان واریوە. 

 

 چیرۆکی سەرەکی: ساڵی ڕابردوو و ئەمساڵیش بەهۆی کەمی بارانبارینەوە جۆرە کرمێک لەناو دارەکانی ناوچەی سلێمانی درووستبووە و بەهۆیەوە بەشێک زۆر لە داربەڕوو و مازووەکانی ناوچەی خەلەکان و کانی وەتمان و باداوا لە سنووری قەزای دووکان گەڵایان وەریوە و وشکبوون. 

 

لێدوانی فەرمی: ساڵح حوسێن، ئەندازیاری کشتووکاڵی بە ئاڤای ڕاگەیاند، ساڵانە لە سەرەتای وەرزی بەهار تاوەکو ناوەڕاستی ئەو مانگە، بەڕوو و مازوو تووشی ئەم جۆرە کرمە دەبن چونکە ژیانیان لەسەر گەڵای ئەو درەختەیە، بەڵام ئەگەر کەمبارانی بەردەوام بێت ئەوا دارەکان توانای ژیانەوەیان نامێنێت.