لە بەغدا 555 بیانی دەستگیر دەکرێن

ئاڤا نیوز

وەزارەتی ناوخۆی عێراق بەهۆی سەرپێچیکردن لە ڕێنماییەکانی نشینگە 555 کەسی بیانی دەستگیر کرد.

وێنە گەورەکە: وەزارەتی ناوخۆی عێراق هەڵمەتێکی فراوانی دەستپێکردووە بۆ دەستگیرکردنی ئەو بیانییانەی سەرپێچی لە ڕێنماییەکانی نیشتەجێبوون دەکەن.

ڕاگەیێنراوی فەرمی: وەزارەتی ناوخۆی عێراق ئاشکرای کردووە: لە ناوچە جیاوازەکانی بەغدا 555 کەسیان دەستگیرکردووە  کە هەڵگری ڕەگەزنامەی جیاوازن و سەرپێچییان لە مەرج و ڕێنماییەکانی نشینگە کردووە.

ئەوەی لەبارەیەوە دەگوترێت: عەدنان کەنانی، شارەزای بواری ئەمنی بە ڕۆژنامەی "العربي الجديد"ی گوتووە، هەڵمەتەکە گرنگە چونکە بەشێک لەو بیانیانەی بەنایاسایی هاتوونەتە عێراق پەیوەندییان بە "باند و مافیا" ناوخۆییەکانەوە کردووە.

باکگراوند: دوێنێ یەکشەممە وەزارەتی ناوخۆی عێراق لە بەغدا دەستگیرکردنی گرووپێکی تاوانکاری ئاسیایی ڕاگەیاند.