ئاڤا پێنشیازێکی بەغدا بۆ مووچەی مانگی پێنج بڵاو دەکاتەوە

ئاڤا نیوز

وتەبێژی بارەگای بارزانی دەڵێت، ئەگەرچی حکومەتی عێراق بە شێوەیەکی فەرمی ئەوەی ڕانەگەیاندووە، بەڵام پێشنیازێک هەبووە کە مووچەی مانگی پێنج بەشێوەی قەرز بنێردرێت.

وێنە گەورەکە: ئەگەرچی لەسەرەتای ئەمساڵەوە وەزارەتی دارایی عێراق و هەرێمی کوردستان ڕێککەوتن لەسەر ناردنی شایستە داراییەکانی فەرمانبەرانی هەرێمی کوردستان بۆ تەواوی ساڵەکە، بەڵام عێراق لە مانگی ئایارەوە پابەندی ڕێککەوتنەکە نەبوو.

لێدوانی فەرمی: د. خالیدە خەلیل، وتەبێژی بارەگای بارزانی بە ئاڤا میدیای ڕاگەیاند، "بەگوێرەی زانیاری من پێشنیازێک هەبووە بۆ ناردنی مووچەی مانگی پێنج بەشێوەی "قەرز" بەڵام ئەمە ناکرێت هەموو مانگ دووبارە بێتەوە و پێویستە چارەسەری بنەڕەتی بۆ بکرێت.