لە عێراق دەست بە دابەشکردنی مووچەی مانگی شەش دەکرێت

ئاڤا نیوز

 

وەزارەتی دارایی عێراق لە یەکشەممەوە دەست بە دابەشکردنی مووچەی خانەنشینانی شارستانی و سەربازیی بۆ مانگی حوزەیران دەکات.

 

وێنە گەورەکە: هەموو مانگێک وەزارەتی دارایی عێراق لە سەرەتای مانگەوە دەست بە دابەشکردنی مووچەی خانەنشینان و چاودێریی کۆمەڵایەتی دەکات، لە 15ـی مانگیشەوە تاوەکو 25ـی مانگ مووچەی سەرجەم فەرمانبەرانی دابەش دەکات. ئەمە لە کاتێکدایە چەند ڕۆژێک پێش ئێستا تەیف سامی لە ڕێگەی نووسراوێکەوە بڕیاریدا چیدیکە مووچەی فەرمانبەرانی کوردستان ڕەوانە نەکات.

 

زانیاریی بەدەستهاتوو: سەرچاوەیەکی ئاگادار کە قسەی بۆ میدیای عێراق کردووە، ئاماژە بۆ ئەوە دەکات، وەزارەتی دارایی عێراق لە سبەی یەکشەممەوە دەست بە دابەشکردنی مووچەی خانەنشینانی شارستانی و سەربازیی بۆ مانگی حوزەیران دەکات.

 

زانیاریی زیاتر: بە گوتەی ئەو سەرچاوەیە، "دوای تەواوبوونی سەرجەم ڕێکارەکان و تەمویلکردنی پارە بۆ مووچە لەلایەن لایەنە پەیوەندیدارەکانەوە، مووچە دابەشدەکرێت".

 

بە تەنیشت ئەم بابەتەوە: دابەشکردنی مووچە لە عێراق لە کاتێکدایە هێشتا مووچەخۆرانی هەرێمی کوردستان مووچەی مانگی ئایاریان وەرنەگرتووە، تەنانەت وەزارەتی دارایی عێراق ڕایگەیاندووە کە مووچە بۆ مووچەخۆرانی هەرێمی کوردستان نانێرن.