ئاڤا نیوز
سەرۆكی فراكسیۆنی پارتی ئاشکرای دەکات، "باڵێکی تووندڕەوی شیعە لەوانە قەیس خەزعەلی" هەژموون و فشاری نەرێنییان بەسەر تەیف سامی، وەزیری دارایی عێراقەوە هەیە و لەپشت بڕیاری ڕاگرتنی مووچەی مووچەخۆرانی کوردستانن.
وێنە گەورەكە: بڕیاری ڕاگرتنی 8 مووچەی ئەمساڵ لەلایەن وەزارەتی دارایی عێراق، کاردانەوەی تووندی لە ناوخۆی کوردستان لێ کەوتووەتەوە، خەڵکی کوردستان و هەموو حیزب و لایەنە سیاسییەکان بە ئۆپۆزسیۆن و دەسەڵاتەوە، گەیشتوونەتە ئەو باوەڕەی حکومەتی کوردستان لەسەر حەقە و هەموو پابەندی و ئەرکەکانی خۆی جێبەجێ کردووە، خەتای حکومەتی عێراقە مووچە نانێرێت، لەسەر ئاستی جیاوازیش دەست بە هەوڵ و فشار کراوە پێش جەژنی قوربان و لەم هەفتەیەدا مووچەی مانگی پێنج بنێردرێت.
لێدوانی فەرمی: د. ڤیان سەبری، سەرۆكی فراكسیۆنی پارتی دیموكراتی كوردستان لە پەرلەمانی عێراق بە ئاڤا ڕاگەیاند: خەڵكی كوردستان خاوەنی ئیڕادەیەكی بەهێز و سەرۆكێكی خۆڕاگری هاوشێوەی سەرۆك بارزانییە، بۆیە ئیرادەی خەڵكی كوردستان لە بڕیاری سیاسیی وەزیرێكی بەغدا مەزنترە".
ڤیان سەبری ئاشکرای دەکات: "بڕیاری ڕاگرتنی مووچە لەژێر هەژموونی باڵێكی تووندەڕەوی شیعە بوو كە فشاری نەرێنییان بەسەر {تەیف سامی} وەزیری دارایی عێراقەوە هەیە، قەیس خەزعەلی و هاوڕێکانی لەپشت بڕیارەکەن".
ئەمەش بزانە: قەیس خەزعەلی، یەکێک لە فەرماندەکانی حەشدی شەعبییە و ئەمینداری گشتی عەسایبی ئەهلی حەقە، لە لیستی تیرۆر و سزادراوەکانی ئەمریکادایە.
خاڵی ئەرێنی: سەرۆکی فراکسیۆنی پارتی یەکدەنگی و یەکهەڵوێستی سەرجەم فراکسیۆنە کوردستانییەکان لە پەرلەمانی عێراق (پارتی، یەکێتی، نەوەی نوێ، کۆمەڵ و یەکگرتوو) بە خاڵێکی دڵخۆشکەر دادەنێت و دەڵێت: جێگەی خۆشحاڵی بوو سەرجەم فراكسیۆنە كوردستانییەكان بە یەكدەنگ بڕیارەكەیان ڕەت كردەوە و بە بڕیارێكی سیاسی و نادەستوورییان دانا.
باکگراوند: ڕۆژی چوارشەممە 28ـی 5ـی 2025، تەیف سامی، وەزیری دارایی عێراق لە بڕیارێکی لەناکاودا، بە نووسراوی فەرمی ڕایگەیاند چیتر پارەی مووچە بۆ هەرێمی کوردستان نانێرێت، بەمەش مەترسی کەوتە سەر هەشت مووچەی ئەمساڵ.
بڕیارەکە کاردانەوەی تووند و فراوانی لە ناوخۆی کوردستان لێکەوتەوە، ڕۆژی دواتر لە ڕاگەیێنراوێکی هاوبەشدا فراکسیۆنە کوردستانییەکان ڕایانگەیاند: بە بڕیارەکە شۆک بووین، هیچ بنەمایەكی مرۆڤایەتی تێدا نییە و بۆ برسیكردنی مووچەخۆرانی هەرێمی كوردستانە، بڕیارەكە بەتەواوی سیاسییە و پێچەوانەی دەستوورە. داواشیان لە سەرۆككۆمار و وەزیرانی کورد لە حکومەتی عێراق کرد هەڵوێستی ئاشكرایان هەبێت.
سەرۆکی فراکسیۆنی پارتی لە پەرلەمانی عێراق: بۆ ڕاگرتنی مووچە فشار لە تەیف سامی کراوە
زیاتر لەسەر ئەم بابەتانە بکۆڵەرەوە
دوایین هەواڵەکان
- هەواڵ
- 20 خولەک لەمەوپێش
عێراقچی: دەبێت ئەمریکا قەرەبووی ماددی ئێران بکاتەوە
- هەواڵ
- 37 خولەک لەمەوپێش
42 ساڵ تێپەڕی؛ برینی ئەنفالی 8 هەزار بارزانی هێشتا ساڕێژ نەبووە
- کوردستان
- 46 خولەک لەمەوپێش
هەزار پارچە زەوی دیکە لە سنووری هەولێر دابەش دەکرێن
هەڵبژاردەکان بۆ تۆ
ئیمارات بۆ ڕووبەڕووبوونەوەی گەرما فێنککەرەوە لە گۆڕستانەکان دادەنێت
9 کاتژمێر لەمەوپێش
پەرەسەندنی تەکنەلۆژیا لە چین؛ سواڵکردنیش بووە بە ئەلیکترۆنی
10 کاتژمێر لەمەوپێش
ئەو کەسەی لە هەولێر فێڵی لە خێزانێکی ڕۆژهەڵاتی کوردستان کرد دەستگیر کرا
10 کاتژمێر لەمەوپێش
هەڵەیەکی پزیشکی لە هەولێر 10 ساڵ ژیانی کچێک تێکدەدات
10 کاتژمێر لەمەوپێش
باوکێک بە تەنیا کوڕە تووشبووەکەی بە ئۆتیزم بەخێو دەکات و دەستبەرداری ژیانی خۆی بووە
10 کاتژمێر لەمەوپێش
- بزنس
- 14 کاتژمێر لەمەوپێش
بەغدا داوای گۆڕینی پلەی وەزیفی زیاتر لە پێنج هەزار فەرمانبەری کوردستان دەکات
- بزنس
- 14 کاتژمێر لەمەوپێش
سوودانی لە ڕێککەوتنی هەولێر و بەغدا لەبارەی مووچە پەشیمان دەبێتەوە
- بزنس
- 17 کاتژمێر لەمەوپێش
دۆسیەی خانەنشینی سێ تەمەنەکە تەواو دەبێت