دوو هاووڵاتی لە سنووری پێنجوێن دەستگیر دەکرێن

ئاڤا نیوز

بە هۆکارى بیرهەڵکەندن بە نایاسایی دوو هاووڵاتى لە سنوورى پێنجوێن دەستگیر کران و دەست بەسەر ئامێری بیرهەڵکەندنەکەشدا گیرا.

وێنە گەورەکە: بە بڕیاری ئەنجوومەنی وەزیرانی هەرێمی کوردستان،  بەمەبەستی پاراستنی ئاوی ژێر زەوی لێدانی بیر بەبێ مۆڵەت قەدەغە کراوە، بەڵام لە هەندێک شوێن بە نایاسایی بیر لێ دەدرێت.

ڕاگەیێنراوی فەرمی: بەڕێوەبەرایەتیی پۆلیسی دارستان و ژینگەی سلێمانی ڕایگەیاند، لەپێناو پاراستن و پارێزگاریکردن لە ئاوی ژێر زەوی، مەفرەزەکانى بەشى پۆلیسى دارستانى پێنجوێن، توانیان دوو هاووڵاتى دەستگیر بکەن بەتۆمەتى بیر لێدان، هاوکات توانرا دەست بەسەر ئامێرێکی بیرهەڵکەندن لە جۆری بەرینە بگیرێت لەگەڵ 20 بۆری دا .

زانیاریی زیاتر: پەڕاوی لێکۆڵینەوە بۆ تۆمەتباران ڕێکخراوە و ڕادەستی دادوەر کراوە بۆ وەرگرتنی ڕێککاری یاسایی.