بەشێک لە دار گوێزە بەتەمەنەکانی بیارە بەهۆی وشکەساڵییەوە وشک بوون

ئاڤا نیوز

 

کەمبارانی و نەبوونی سەرچاوەی ئاوی پێویست بووەتە هۆی وشکبوونی بەشێک لە دار گوێزە بەتەمەنەکانی بیارە.

 

چیرۆکی سەرەکی: ئەمساڵ لە هەرێمی کوردستان ڕێژەیەکی کەمی بارانبارین تۆمارکراوە، بەهۆی ئەمەشەوە بەشێکی زۆر لە سەرچاوە ئاوییەکان وشکبوون و کاریگەری لەسەر کەمبوونەوەی ڕێژەیی سەوزای ناوچە جیاوازەکان دروست کردووە.

 

زانیاریی زیاتر: بەشێک لە دار گوێزە بەتەمەنەکانی بیارە کە تەمەنیان زیاتر لە 100 دەبێت بەهۆی کەمئاوییەوە وشکبوون و ئەمەش نیگەرانی لای دانیشتوانی ناوچەکە دروستکردووە و داوای دۆزینەوەی ڕێگە چارەسەرێک دەکەن. 

 

لێدوانی فەرمی: بەڕێوەبەرایەتی گشتیی کشتوکاڵی هەڵەبجە ڕایگەیاند، قەیرانی وشکەساڵی بەرۆکی گرتووین و ئەوەی پێمان کراوە داواکارییەکانمان بەرزکردووەتەوە بۆ ڕێگرتن لە وشکبوونی باخەکان.