چەندین جۆری باڵندەی کێوی لە سلێمانی دەستیان بەسەردا دەگیرێت

ئاڤا نیوز

بەڕێوەبەرایەتیی پۆلیسی دارستان و ژینگەی پارێزگای سلێمانی، هاووڵاتییەک بە تۆمەتی کڕین و فرۆشتن بە باڵندەی کێوی دەستگیر دەکات.

بڵاوکراوەی فەرمی: ڕۆژی 4-6-2025، بەڕێوەبەرایەتیی پۆلیسی دارستان و ژینگەی پارێزگای سلێمانی ڕایگەیاند: لە گەڕەکی چوارباخی سلێمانی دەست بەسەر چەندین باڵندەی جۆراوجۆری کێویدا گیراوە کە هاووڵاتییەک کڕین و فرۆشتنی پێوە کردوون.

لەلایەکی دیکەوە: عەمید هێمن کەمەرخان، بەڕێوەبەری بەشی ڕاگەیاندنی بەڕێوەبەرایەتیی دارستان و ژینگەی پارێزگای سلێمانی بە ئاڤای ڕاگەیاند: جۆری ئەو باڵندانەی دەستیان بەسەرداگیراوە، قەلەڕەش، قەلەباچکە، کەو، سوێسکە، مینا بوون و هەموویان کێوین.

هاوکات، بە فەرمانی دادوەر هاووڵاتییەکە دەستگیر کراوە و پەڕاوی لێکۆڵینەوەی لەلایەن بەشی پۆلیس و دارستانی ژینگەی سلێمانییەوە بۆ کراوەتەوە.

ئەوەی پێویستە بیزانیت: وەک ڕاوکردن بە ئاژەڵ و باڵندەی کێوی و مامەڵە لەگەڵ ئەو کەسەدا دەکرێت کە دەستگیرکراوە، بە پێبژادنیش سزا دەدرێت و بڕی سزاکەش لە 50 هەزار دینار تاوەکو 250 هەزار دینار دیندار دەبێت، ئەمەش بەگوێرەی جۆر و تەمەنی باڵندەکان مامەڵەی لەگەڵدا دەکرێت، ئەگەر کەسەکە پێشینەی لەو کارەدا هەبێت ئەوا سزاکەی قورستر دەبێت.

زانیاریی زیاتر: لەسەر ڕەزامەندی دادوەر باڵندەکان ئازاد کراون و بۆ نێو سرووشت گەڕێنراونەتەوە.