لە باشووری عێراق پلەکانی گەرما نیوە کوڵان تێدەپەڕێنێت

ئاڤا نیوز

پێشبینی دەکرێت پێش ناوەڕاستی مانگی حوزەیران، خۆڵبارین دەستپێبکاتەوە و پلەکانی گەرما لە زۆربەی پارێزگاکانی باشووری عێراق بگاتە نیوەی کوڵان و 50 پلەی سیلیزی تێبپەڕێنێت.

وێنە گەورەکە:  بەگوێرەی نەتەوەیەکگرتووەکان عێراق یەکێکە لەو وڵاتانەی زۆرترین کاریگەری گۆڕانی کەشوهەوای لەسەرە بەهۆی زیادبوونی ڕووبەری بەبیابانبوون و شەپۆلەکانی خۆڵبارین، پێشبینی دەکرێت ئەمساڵ و ساڵانی داهاتوو پلەکانی گەرما لە زۆربەی پارێزگاکانی باشووری عێراق 50 پلەی سیلیزی تێپەڕێنێت.

لێدوانی فەرمی: واسیق سەلامی پسپۆڕی كەشناسی عێراقی ڕایگەیاند:  پێشبینی دەکرێت لە ڕۆژی دووشەممەی داهاتووەوە شەپۆلێكی گەرمای بەتین پارێزگاكانی باشووری عێراق بگرێتەوە و پلەکانی گەرما لە زۆربەی ئەو پارێزگایانە بگاتە نیوەی کوڵان و 50 پلەی سیلیزی تێبپەڕێنێت.

زانیاریی زیاتر: بە گوێرەی سەلامی، ناوەڕاستی ئەم مانگە، خۆڵبارین دەستپێدەکاتەوە و شەپۆلە گەرماكەش دەگاتە لووتکە، كاریگەری شەپۆلەكە بە قۆناخ  بەرەو نزمبوونەوە دەچێت.