لە یەکەم ڕۆژی جەژنی قوربان لە تورکیا حەوت کەس بە ڕووداوی هاتووچۆ گیانیان لەدەستداوە

ئاڤا نیوز

بەپێی داتاکانی وەزارەتی گواستنەوە و ژێرخان، لە یەکەم ڕۆژی جەژنی قوربان، زیاتر لە 600 ڕووداوی هاتووچۆ ڕوویانداوە و، بەهۆیانەوە حەوت کەس گیانیان لەدەستداوە.

ڕاگەیێنراوی فەرمی: بەپێی ڕاگەیێنراوێکی وەزارەتی ناوخۆی تورکیا، تەنیا لە یەکەم ڕۆژی جەژنی قوربان لە سەرتاسەری تورکیا 692 ڕووداوی هاتووچۆ ڕوویانداوە. بەهۆیانەوە حەوت کەس گیانیان لەدەستداوە و، هەزار و 128 کەسیش برینداربوون.

زانیاریی زیاتر: عەلی یەرلیکایە، وەزیری ناوخۆی تورکیا دەڵێت: بەدواداچوونەکان بۆ ئەوە نین سزای شۆفێران بدەین، بەڵکو بۆ ئەوەیە ڕێگری لە ڕووداوەکان بکرێت و گیانلەدەستدان کەمبکرێتەوە بۆ سفر. با پابەند بین بە ڕێنماییەکانی هاتووچۆ، بۆ ئەوەی خۆشییەکانی جەژنمان لێتێکنەچێت.