لە ناوچە گەشتیارییەکانی هەورامان نۆرینگەی گەڕۆک بۆ گەشتیاران ئامادەکراوە

ئاڤا نیوز

بەهۆی هاتنی گەشتیارێکی زۆر بۆ ناوچە گەشتیاریەکانی هەورامان نەخۆشخانەی گشتیی هەورامان، ئۆتۆمبێلی مۆبایل کلینیک (نۆرینگەی گەڕۆک)ـی بۆ گەشتیاران و نزیک بوون لەهەر حاڵەتێکی نەخوازراو دابینکردووە.

لێدوانی فەرمی: فەرحان حەمەخان، بەڕێوەبەری ڕاگەیاندنی تەندروستیی هەڵەبجە بەئاڤا میدیای ڕاگەیاند" بەدرێژانی ڕۆژانی جەژن لە کاتژمێر 1ـی پاشنیوەڕۆ بۆ 6ـی ئێوارە لە ناوچە گەشتیارییەکان دەبن ئەمەش جۆرێک لە دڵنیایی دەدات بە گەشتیاران و خزمەتگوزاری تەندروستی دابین دەکەن بۆ هەر کەسێک پێویستی بێت.

ئەوەی پێویستە بیزانیت: نەخۆشخانەی گشتیی هەورامان لەسنووری شارۆچکەی بیارەیەو 12 گوند لەو سنوورەدا خزمەتگوزاری تەندروستی لەو نەخۆشخانەیە وەردەگرن.