وەزیری پێشووتری بەرگریی عێراق بە "تۆمەتی فێڵكردن" لە سوێد ده‌ستگیر دەکرێت

ئاڤا نیوز

 

حكومەتی سوێد دەستگیركردنی نەجاح شەمەڕی، وەزیری پێشووتری بەرگریی عێراقی بە تۆمەتی فێڵكردن لە فەرمانگەی سۆسیال و وەرگرتنی پارەی بێكاری ڕاگەیاند.

 

لێدوانی فەرمی: یەنس نیڵسن، داواكاری گشتیی سوێد رایگەیاند: "نەجاح شەمەڕی لەو كاتەی وەزیر بووە لە حكومەتی عێراقدا، لە وڵاتی سوێدیش بۆ بژێویی خۆی و خێزانەكەی بە شێوەیەكی نایاسایی پارەی لە فەرمانگەی سۆشیال وەرگرتووە، هاوکات كرێی خانووشی وەرگرتووە".

 

زانیاریی زیاتر: دوێنێ دووشەممە وەزیرە عێراقییەكە لە كاتی گەڕانەوەیدا بۆ سوێد، لەنێو فڕۆكەخانەی ستۆكهۆڵم دەستگیر كرا.

 

باکگراوند: نەجاح شەمەڕی لە 25-6-2019 تاوەکو 7-5-2020 وەزیری بەرگریی عێراق و جێگری فەرماندەی گشتیی هێزە چەکدارەکانی عێراق بوو.